63-vjeçari N.K banues në lagjen “Isa Boletini” është arrestuar nga Policia e Vlorë, pasi gjatë një kontrolli në banesën e tij i janë gjetur dhe sekuestruar një sasi lënde të dyshuar për kokainë.
Referuar nga materialet në Prokurorinë pranë Gjykatës së Shkallës së Parë Vlorë, është dënuar edhe shtetasi D.T.,26-vjeç banues në lagjen “Hajro Cakerri” për veprën penale “Prodhimi dhe shitja e narkotikëve” pasi gjatë kontrollit policia i ka gjetur dhe sekuestruar një sasi lënde të dyshuar për kokainë.
Noftimi i Policisë:
Specialistët e Seksionit për Hetimin e Trafiqeve të Paligjshme dhe Narkotikëve në DVP Vlorë arrestuan në flagrancë shtetasin N. K., 63 vjeç, banues në lagjen “Isa Boletini”, Vlorë, për veprën penale “Prodhimi dhe shitja e narkotikëve”, pasi gjatë kontrollit në oborrin e banesën e tij, shërbimet e Policisë kanë gjetur dhe sekuestruar një sasi lënde të dyshuar narkotike kokainë.
Po nga këto shërbime u referuan materialet në Prokurorinë pranë Gjykatës së Shkallës së Parë Vlorë, për shtetasin D. T., 26 vjeç, banues në lagjen “Hajro Cakerri”, Vlorë, për veprën penale “Prodhimi dhe shitja e narkotikëve”, pasi gjatë kontrollit fizik nga shërbimet e Policisë, iu gjet dhe iu sekuestrua një sasi lënde e dyshuar narkotike kokainë.
Specialistët e Seksionit për Hetimin e Trafiqeve të Paligjshme dhe Narkotikëve në DVP Vlorë referuan materialet në Prokurorinë pranë Gjykatës së Shkallës së Parë Vlorë, për shtetasin T. M., 33 vjeç, banues në Fier, për veprën penale “Kalimi i paligjshëm i kufirit shtetëror”, pasi ka kaluar kufirin në mënyrë të paligjshme.
Specialistët e Hetimit të Krimit të Komisariatit të Policisë Vlorë arrestuan në flagrancë shtetasen C. B., 44 vjeçe, banuese në lagjen “Pavarësia”, Vlorë, për veprën penale “Dhuna në familje”, pasi ka ushtruar dhunë fizike ndaj nuses së djalit, shtetases K. B., 28 vjeçe, banuese në lagjen “Pavarësia”, Vlorë. Gjithashtu, për këtë rast është proceduar në gjendje të lirë dhe shtetasja K. B., sepse ka ushtruar dhunë ndaj shtetases C. B.
Po nga specialistët e Hetimit të Krimit të Komisariatit të Policisë Vlorë u referuan materialet në Prokurorinë pranë Gjykatës së Shkallës së Parë Vlorë, për shtetasin D. L., 39 vjeç, banues në Vlorë, për veprën penale “Shpërdorimi i tokës”, pasi është konstatuar duke kryer punime në tokën e tij, në kundërshtim me destinacionin ligjor të paracaktuar, duke ndryshuar kështu regjimin juridik të tokës.
Specialistët e Qarkullimit Rrugor në Komisariatin e Policisë Sarandë arrestuan në flagrancë shtetasin G. Ç., 45 vjeç, banues në Ksamil, Sarandë, për veprën penale “Drejtimi i automjeteve në mënyrë të parregullt”, pasi është kapur nga shërbimet e Policisë, duke drejtuar automjetin, në gjendje të dehur.
Materialet i kaluan Prokurorisë, për veprime të mëtejshme.
