Policia ka njoftuar se ka nisur procedimi penal për 20-vjeçarin me inicialet F.Sh. i cili ka qëlluar në ajër në oborrin e një shkolle. Ngjarja ka ndodhur ditën e djeshme në një shkollë në Farkë.
Sipas bluve, arma ka qenë imituese e zhurmës së armëve reale.
Njoftimi i policisë:
Specialistët për Hetimin e Krimeve të Komisariatit të Policisë Nr. 1 referuan materialet në Prokurori dhe nisi procedimi penal për shtetasin F. Sh., 20 vjeç, sepse më datë 04.05.2023, në oborrin e një shkolle, në Farkë, Tiranë, ka qëlluar në ajër, me një pistoletë imituese të zhurmës së armëve. Pistoleta imituese u sekuestrua në cilësinë e provës materiale.
