Një shqiptar ka rënë në prangat e policisë italiane, pasi i shiste drogë një parukiereje.
Sipas policisë fqinje, parukierja ka deklaruar se shqiptari e kishte furnizuar me drogë për rreth dy vjet, periudhë gjatë së cilës janë bërë rreth 100 shkëmbime. Për parukieren u vendos masa e sigurisë “Arrest shtëpie.”
Mediat vendase bëjnë me dije se shqiptari, i mbrojtur nga avokati Gianni Dionigi, u përpoq të shfajësohej.
Sipas gjyqtarit hetues Valerio D’Andria i dyshuari mohoi të ishte takuar me parukieren për shitjen e lëndëve narkotike dhe pretendoi se kishte caktuar një takim me të për të prerë flokët.
