Një 37- vjeçar i shpallur në kërkim ndërkombëtar për trafik droge dhe organizatë kriminale është arrestuar nga Policia e Lezhës. Ai ishte dënuar me 7 vite burg nga drejtësia italiane. Në kuadër të operacionit Sergate, në pranga përfundoi Bledar Delia( Dushkaj). Gjithashtu, Policia gjeti dhe sekuestroi në banesë fishekë dhe 2 radio, të njëjta me ato të uniformave blu.
Finalizohet nga Policia e Lezhës, operacioni policor i koduar “Sergate”, për kapjen e personave të shpallur në kërkim ndërkombëtar. Vihet në pranga një shtetas shqiptar i shpallur në kërkim ndërkombëtar, i dënuar nga autoritetet italiane me 7 vite burgim, për vepren penale “Organizate kriminale” dhe ” Trafikim i lëndëve narkotike”.
Ky shtetas ishte shpallur ne kërkim ndërkombëtar, pasi Gjykata e Milanos/ Itali e ka dënuar me 7 vite burg për veprën penale “Organizatë kriminale ” dhe “Trafikim i lëndëve narkotike” parashikuar nga Kodi Penal italian. Gjithashtu, gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan fishekë luftarak, si dhe 2 radio marrëse-dhënëse si ato të Policisë. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.
/Priza.al/
