Është vënë në pranga në Vlorë shtetasi K.D me qëllim ekstradimin, një shtetas i kërkuar për kultivimin dhe trafikim të narkotikëve.
41-vjeçari është banues në lagjen “24 Maji” në Vlorë ishte i shumëkërkuar në Spanjë.
Njoftimi i policisë:
Vlorë
Vijon puna për kapjen e personave të shpallur në kërkim ndërkombëtar.
Kapet dhe vihet në pranga, me qëllim ekstradimi, një shtetas i kërkuar për kultivim dhe trafikim të narkotikëve.
Në vijim të punës për kapjen e personave në kërkim, nga shërbimet e Seksionit për Hetimin e Narkotikëve në Drejtorinë Vendore të Policisë Vlorë, u bë kapja dhe arrestimi, me qëllim ekstradimi, i shtetasit:
- D., 41 vjeç, banues në lagjen “24 Maji”, Vlorë.
Ky shtetas ishte shpallur në kërkim ndërkombëtar, pasi autoritetet gjyqësore spanjolle, me vendimin e datës 14.12.2020, kanë lëshuar urdhër arresti ndërkombëtar, për veprat penale “Trafikimi i lëndëve narkotike” dhe “Kultivim i bimëve narkotike”, parashikuar nga Kodi Penal i Spanjës.
Interpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e këtij shtetasi drejt Spanjës.
