Dhuna vijon të mbetet një nga problemet kryesore të shoqërisë tonë. Një i ri ka rënë në prangat e Policisë së Tiranës, pasi i ka thyer telefonin të dashurës dhe më pas ka ushtruar dhunë ndaj saj.
Ndërkohë blutë e kryeqytetit kanë arrestuar një 47-vjeçar, pasi ky i fundit ka ushtruar dhunë fizike dhe psikologjike ndaj bashkëshortes së tij.
Njoftimi i Policisë:
Specialistët për Hetimin e Krimeve në Komisariatin e Policisë Nr. 4 arrestuan në flagrancë shtetasit:
– A. C., 32 vjeç, banues në Tiranë, për veprat penale “Shkatërrimi i pronës” dhe “Dhuna në familje”, pasi i ka thyer telefonin të dashurës dhe ka ushtruar dhunë ndaj saj;
– A. Sh., 47 vjeç, për veprën penale “Dhuna në familje”, pasi ka ushtruar dhunë fizike dhe psikologjike ndaj bashkëshortes së tij.
