Këngëtari dhe pianisti britanik Elton John ka shtyrë dy koncertet e tij të lamtumirës në Dallas pasi rezultoi pozitiv me COVID-19. “Npr” shkruan se, John filloi përsëri turneun e tij lamtumirës të titulluar “Farewell Yelloë Brick Road” javën e kaluar.
“Është gjithmonë një zhgënjim masiv për të lëvizur shfaqjet dhe më vjen shumë keq për këdo që është bezdisur nga kjo, por unë dua të ruaj veten dhe ekipin tim të sigurt”,- tha ai.
John shtoi se ai është plotësisht i vaksinuar dhe i përforcuar, duke përjetuar vetëm simptoma të lehta dhe pret të jetë në gjendje të performojë në shfaqjen e tij të planifikuar këtë fundjavë në Arkansas.
“Si gjithmonë, faleminderit për gjithë dashurinë dhe mbështetjen tuaj dhe mezi pres t’ju shoh të gjithëve së shpejti”,- ka shkruar John.
Këngëtari 74-vjeçar do të performonte në Qendrën American Airlines në Dallas të martën dhe të mërkurën dhe tha se ata që blenë bileta për dy shfaqjet duhet t’i mbajnë ato, pasi ato do të jenë të vlefshme për datën e radhës.
/Priza.al/
