Është arrestuar mbrëmjen e sotme në Itali, Davide Pecerolli, i cili inskenoi vdekjen e tij në Pukë në 2021.
Mediat italiane bëjnë me dije se 47-vjeçari është arrestuar mbrëmjen e kësaj të shtune me qëllim ekstradimin drejt Shqipërisë.
Davide Pecerolli insekenoi vdekjen e tij në janar të 2021, ai futi disa eshtra në një makinë dhe me pas i vuri zjarrin duke bërë autoritet të besojnë se ai ishte vrarë. Nëntë muaj më vonë u rishfaq si një anije në ishullit Montecristo. E gjitha kjo ishte stisur nga biznesmeni italian për t’i shpëtuar borxheve financiare të kontraktuara në Itali.
45-vjeçari është shpallur në kërkim nga policia shqiptare, pasi akzuohet për 5 vepra penale:“mashtrim”, “përdhosje varresh”, “shkatërrim prone me zjarr”, “veprime që pengojnë zbulimin e së vërtetës” dhe “kalim të paligjshëm të kufirit shtetëror”.
“Nga hetimet e Policisë së Perugias kishte rezultuar se, në janar 2021, Pecorelli për të shmangur borxhet financiare të kontraktuara në Itali, i kishte vënë flakën në fshatin Rras të Shqipërisë, një makine të marrë me qira, brenda së cilës ai kishte futur mbetje të eshtrave të njeriut për të simuluar vdekjen e tij.
Më pas ai u gjet i gjallë më 17.09.2021, në ishullin Montecristo (Itali). Aktet e arrestimit të sotëm i janë dërguar Prokurorit të Përgjithshëm të Perugias dhe arrestimi do të vërtetohet nga Gjykata e Apelit e Perugias të hënën”, thuhet në komunikimin e policisë italiane.
