Alessia Piperno , italiania e arrestuar në Iran , u lirua pas punës intensive diplomatike dhe së shpejti do të kthehet në Itali . Kjo është bërë e ditur përmes një njoftimi për shtyp nga Palazzo Chigi. Kryeministrja Giorgia Meloni, pasi falënderoi të gjithë ata që kontribuan në lirimin e të resë, gjatë një telefonate njoftoi prindërit e saj.
Për lirimin e Alessia Piperno, Meloni tha: “Falënderoj inteligjencën, nënsekretarin Mantovano dhe Ministrinë e Jashtme për punën e jashtëzakonshme dhe të heshtur që kanë bërë për ta sjellë këtë vajzë në shtëpi”.
– I kënaqur ministri i Jashtëm, Antonio Tajani, i cili komentoi: “Alessia Piperno u lirua falë punës intensive të diplomacisë italiane, falenderoj të gjithë ata që kanë punuar fort për zgjidhjen e këtij rasti. Është një lajm i mirë për të gjithë.”
– “U lirua. Të presim Ale”. Ky është një nga mesazhet e para të postuara në Instagram nga miqtë e Alessia Piperno-s sapo morën lajmin për lirimin e saj.
