Prokuroria e Tiranës ka marrë në hetim ish-drejtorin e IT-së, Ervin Muça, i akuzuar për hyrje të paautorizuar në sistemet kompjuterike dhe për shpërdorim të detyrës, lidhur me një incident të rëndësishëm që ndodhi në gusht 2023, ku ai dyshohet se eksportoi të dhëna nga sistemi TIMS të Policisë së Shtetit.
Hetimet kanë zbuluar se, më 2 gusht 2023, në orët e vona të natës, në bazën e të dhënave të Policisë, ishin bërë veprime të paautorizuara për të kopjuar dhe eksportuar informacion, duke përdorur kodet e një punonjësi të tjetërsuar.
Muça ka mohuar akuzat, duke theksuar se nuk ka pasur asnjë ndërhyrje të paligjshme dhe ka kërkuar që drejtësia të vendosë mbi këtë çështje. Në hetime, është zbuluar gjithashtu se ai ka pasur lidhje të fshehta me institucione të tjera dhe nuk ka shpallur disa detaje të rëndësishme gjatë aplikimit për pozitat e tij në Policinë e Shtetit.
Prokuroria është duke hetuar gjithashtu për mundësinë e fshirjes së dëshmive video dhe mundësinë e përdorimit të të dhënave në mënyrë të jashtëligjshme.
