Një shqiptar 37-vjeç, i identifikuar si Ervis Rakipaj, ka tentuar të vrasë gruan e tij në Itali dhe për këtë arsye ai ka përfunduar në prangat e policisë. Por ka qenw ndërhyrja në kohë e kunatës ajo e cila nuk ka lejuar që ngjarja e rëndë të përfundojë me fatalitet. Ajo ia ka kapur armën dhe e ka drejtuar drejt tokës, duke bërë që plumbi të godasë në dysheme. Mediat italiane shkruajnë se shqiptari i arrestuar më herët ka qenë në burg për akuzat e vrasjes në tentativë dhe keqtrajtimi në familje.
Si nisi ngjarja?
Të shtunën në mbrëmje burri, pasi mbaroi punën e njoftoi gruan përmes Whatsapp se ai do të pinte një birrë me miqtë. Kur u kthye në banesë rreth orës 2, ai e zgjoi atë, i mori celularin nga jastëku dhe i kërkoi ta ndiqte në kuzhinë. Më pas gruaja menjëherë vuri re pushkën dhe ishte frikësuar, sepse në raste të tjera burri i saj e kishte kërcënuar me vdekje. Motra e gruas ishte gjithashtu e pranishme në shtëpi. Ajo kishte shkuar aty për disa ditë pasi ishte në lëvizje.
Motra e saj, e cila po përpiqej të parandalonte ngjarjen e rëndë, u godit me një shuplakë të fortë nga shqiptari, duke i çarë daullen e veshit. Shqiptari më pas vrapoi për të marrë dhe lëvizur armën në një mobilie, ndërsa shprehej: “Ose më thuaj të vërtetën, ose askush nuk del nga këtu i gjallë”.
Deklarata e policisë
Ndërkohë oficeri i policisë ka shkruar në deklaratë: “Ervis Rakipaj ishte i tërbuar, fillimisht i hodhi një karrige dhe sende të tjera gruas së tij, pastaj mori armën dhe ma drejtoi në gjoks në një distancë prej një metër e gjysmë. Ai tërhoqi këmbëzën dhe kunata e tij, motra e gruas, e cila ishte pranë tij, arriti të kapte tytën dhe të devijonte të shtënën në tokë, e cila shpoi dyshemenë. Menjëherë pasi burri iku, ai gjuajti një tjetër plumb në tokë dhe më pas e hoqi pushkën duke e hedhur midis ferrave në zonën hekurudhore. Kur u kthye në shtëpi, ai i hapi derën karabinierëve, ndërkohë bërtiti kunata e tij e cila ishte mbyllur në banjë, por ai tha se asgjë nuk kishte ndodhur dhe se po flinte”.
Policia tha se në momentin që i kishte kërkuar shpjegim për vrimën e bërë në tokë nga plumbi shqiptari nuk pranoi të shpjegonte, madje e quajti atë një dëmtim të shumë kohëve më parë. Por më pas kur policia insistoi ishte vetë ai që e çoi policinë në vendin ku kishte hedhur pushkën.
Sekuestrimi
Gjatë kontrollit shqiptarit iu gjetën gjithashtu një pushkë, një pistoletë, si dhe 136 plumba. Po ashtu u sekuestruan edhe 500 gr marihuanë, shirita hobe dhe material paketimi. Në denoncimin që gruaja bëri në polici, ajo tregoi se ata ishin vendosur në Itali në vitin 2017, prej disa vitesh burri i saj kishte filluar të abuzonte me alkoolin dhe kokainën, duke e detyruar atë të vuante dhunë fizike për arsye xhelozie; dhunë që ajo kurrë nuk e raportoi nga frika.
Prokurori Marilù Gattelli kërkoi vërtetimin e arrestimit dhe mbajtjen e masës së paraburgimit. Burri mbrojti veten duke pretenduar se e shtëna e parë u bë aksidentalisht pasi kunata e tij e shtyu atë, ashtu si e dyta ndërsa përpiqej të hiqte qafe armën.
/Burimi Il Resto del Carlino Ravenna/ përshtati në shqip Priza.al/
