Luiz Ejlli është banori i “Big Brother VIP” i cili pati rikthimin më të fuqishëm në vëmendjen e publikut për shkak të pjesmarrjes në këtë reality show.
Kjo u bë shkak që edhe krijimtaria e tij artistike të rikthehej gjithashtu në vëmendje.
Pasi Luizi u bë kryefjalë e BBV, këngët e tij të para shumë viteve filluan të dëgjoheshin sërish e të rriteshin ndjeshëm në klikime.
Përpos tyre, Luizi publikoi edhe dedikimin emocionues për Kiarën me ndihmën e produksionit.
Tashmë që muzika e tij po pëlqehet kaq shumë, pas daljes nga shtëpia më e famshme pritet që ftesat për koncerte të jenë të shumta.
Po përflitet se pagesa që Luizi do të marrë në koncertet e tij, varion nga 5 deri në 10 mijë euro për një koncert.
