Një grua nga Japonia thuhet se e pagoi shtrenjtë… dashurinë supergalaktike pasi një burrë mendjemprehtë që i prezantohej si një astronaut rus që punonte në Stacionin Ndërkombëtar të Hapësirës, arriti t’i zhvasë më shumë se 30 mijë euro.
Burri i tha gruas, e cila jeton në qytetin e Higashiomit, se e donte atë dhe donte të martohej me të , por që të kthehej nga hapësira dhe ta takonte në Japoni, ai duhej t’i dërgonte para për të ” paguar tarifat e uljes “.
Sipas gazetës japoneze Yomiuri Shimbun, midis 19 gushtit dhe 5 shtatorit, gruaja e tij i dërgoi më shumë se 30 mijë euro.
Të dy u takuan në Instagram më 28 qershor. Ai i tha asaj se punonte në Stacionin Ndërkombëtar të Hapësirës, sipas Newsweek. Me kalimin e kohës, burri filloi të shprehte “ndjenjat” e tij për të, duke i dërguar mesazhe të tilla si: “Dua të filloj jetën time në Japoni” dhe: “Edhe nëse e them 1000 herë, nuk do ta kuptoj, por do vazhdoj ta them. Unë të dua”.
Kur mashtruesi vazhdoi të këmbëngulte për t’i dërguar më shumë para, viktima dyshoi se po mashtrohej dhe thirri policinë.
“Mashtrimet romantike përdorin manipulime emocionale për të mashtruar viktimat për të dërguar para ose për të kryer ndonjë aktivitet tjetër të paligjshëm. Ata zakonisht fillojnë në internet, qoftë përmes një aplikacioni takimesh ose mediave sociale, “tha Paul Bischoff, redaktor i Comparitech dhe komentator i rregullt mbi çështjet e sigurisë kibernetike dhe privatësisë në mediat ndërkombëtare, për Newsweek.
“Mashtruesi pretendon se ka një lloj pune që e pengon atë të takohet personalisht me viktimën, si një ushtar, mjek në një zonë konflikti ose, në këtë rast, një astronaut në hapësirë. Ata shpesh fillojnë duke e mbushur viktimën me lavdërime dhe dashuri për të fituar besimin e tyre. Sapo viktima është mjaftueshëm e dashuruar, mashtruesi vjen me një lloj tarife të paparashikuar,” shtoi Bischoff.
