Sulmesi portugez Cristiano Ronaldo nëpërmjet një postimi në Instagram ka dhënë lajmin e hidhur se ka humbur një nga binjakët që priste të sillte në jetë partnerja e tij Georgina Rodriguez.
Ronaldo shkruan se nga binjakët ka arritur të mbijetojë vetëm vajza, e cila i ka dhënë forcë për të ecur përpara.
CR7 shkruan se janë të shkatërruar nga kjo ngjarje dhe luten për privatësi për të kaluar këtë periudhë.
Postimi:
“Me pikëllimin më të thellë njoftojmë vdekjen e foshnjës sonë.
Është dhimbja më e madhe që çdo prind mund të ndjejë. Vetëm lindja e vajzës sonë na jep forcën për ta jetuar këtë moment me pak shpresë dhe lumturi.
Ne dëshirojmë të falënderojmë mjekët dhe infermierët për të gjithë kujdesin dhe mbështetjen e ofruar.
Ne jemi të shkatërruar dhe kërkojmë privatësi në këtë kohë shumë të vështirë.
Djali ynë, ti je engjëlli ynë. Ne do të të duam përgjithmonë,“- shkruan Ronaldo.
