Jennifer Aniston zbuloi se është lodhur duke dëgjuar njerëzit që thonë se ajo duket e mrekullueshme edhe pse ka arritur të 50-tat. E njohur për bukurinë e saj të përjetshme, nuk është çudi që njerëzit e pyesin vazhdimisht për sekretet e saj kundër plakjes. Rutina e saj e kujdesit të lëkurës është e thjeshtë, por efektive dhe për këtë arsye ajo ndau haptazi këshillat që e ndihmojnë të qëndrojë e shëndetshme dhe të duket e re.
Ajo e mban të thjeshtë rutinën e kujdesit të lëkurës
Aktorja preferon një rutinë të thjeshtë të kujdesit për lëkurën. “I gjithë regjimi im i fytyrës është vetëm sapun dhe ujë për t’u zgjuar, pastaj një lloj hidratues ditor që ka SPF në të. Është i shpejtë. Unë kurrë nuk zgjatem shumë, gjërat duhet të jenë sa më të lehta [për mua]”, tha ajo.
Ajo nuk e lan fytyrën
Larja e fytyrës shumë shpesh mund ta thajë atë. Ylli i Friends nuk e pastron fytyrën e saj shumë shpesh për të shmangur prishjen e barrierës mbrojtëse të lëkurës me qëllim që të mbajë vajrat natyralë të lëkurës. “Unë nuk e laj fytyrën time me produkte të shumta. Dhe pastaj vendos produkte ushqyese që ndiej se janë sa më organike të jetë e mundur, ” tha ajo.
Ajo i përmbahet të njëjtave produkte për vite me radhë
Nuk është e lehtë të gjesh produktet që bëjnë mrekulli për lëkurën tënde dhe kur më në fund gjeni një locion ose një hidratues që ju përshtatet, është e kuptueshme që dëshironi t’i përdorni gjatë gjithë kohës. Aniston nuk bën përjashtim dhe ajo pranon se ka përdorur të njëjtin hidratues që kur ishte adoleshente. “Unë thjesht e dua atë”, rekomandoi Aniston.
Ajo spërkat fytyrën me ujë të ftohtë
Uji tepër i nxehtë mund të dëmtojë lëkurën e shëndetshme dhe ta bëjë atë të ndjeshme. Aniston thotë se i pëlqen të lajë fytyrën me ujë të akullt pasi zgjohet për t’i dhënë lëkurës së saj një pamje të freskët. “Merrni një tas me ujë akull dhe zhysni fytyrën 25 herë. Është një truk i vjetër i shkollës që Joan Craëford e bënte – thjesht zgjon lëkurën tuaj”, tha ajo.
Ajo sigurohet që të qëndrojë e hidratuar
Pirja e mjaftueshme e ujit është jetike për shëndetin tuaj të përgjithshëm. Aniston tregon se e nis ditën me një gotë ujë të nxehtë.
“Kur zgjohem, do të bëjë një filxhan me ujë të nxehtë me një fetë limoni atje,” tha ajo. “Këshilla më e mirë e bukurisë që kam për njerëzit është të flenë dhe të pinë ujë. Unë zemërohem me shoqen time Courteney Cox gjatë gjithë kohës, sepse ajo më thotë se nuk ka pirë asnjë gllënjkë ujë sot – dhe unë i them… a je pa mend? Uji është gjithçka”, shtoi ajo.
