Shoferi i kamionçinës që rrëshqiti ditën e djeshme në banesën e 55-vjeçarit Izmir Dumanit ka rënë në prangat e policisë. dumani fatkeqësisht humbi jetën nga goditja që mori nga automjeti. Shoferi 39-vjeçari u arrestua me argumentin se nuk e kishte siguruar mirë mjetin.
Njoftimi i policisë:
“Në vijim të informacionit të dhënë pasditen e djeshme, për një aksident të ndodhur në fshatin Shtushaj, Bulqizë, ju informojmë se në vijim të veprimeve procedurale të kryera nga specialistët e Sektorit të Policisë Rrugore, për këtë rast, është arrestuar në flagrancë shtetasi A. T., 39 vjeç, banues në Bulqizë, pasi dyshohet se për shkak se nuk kishte siguruar mirë, automjetin e tij tip “Benz”, automjeti ka rrëshkitur dhe ka rënë në oborrin e banesës së shtetasit I. D., ku e ka goditur këtë shtetas dhe për pasojë shtetasi I. D. humbi jetën.”
