Zjarri më i rëndë në Kaliforni këtë vit, i cili ka detyruar mijëra njerëz të lënë shtëpitë e tyre dhe ka kthyer mijëra kurora në hi, ka shkaktuar vdekjen e dy personave, siç njoftoi sot shërbimi zjarrfikës i shtetit amerikan.
Zjarri, i cili është quajtur “McKinney”, ka shkatërruar që nga e premtja rreth 225 mijë hektarë në Pyllin Kombëtar Klamath dhe, pavarësisht mobilizimit të forcave të fuqishme zjarrfikëse, nuk është vënë nën kontroll.
Dy persona u gjetën të djegur brenda një makine të dielën në mëngjes, tha sot Zyra e Sherifit të Qarkut Siskiyou. Zjarrfikësit besojnë se viktimat po përpiqeshin të largoheshin, por makina e tyre u përfshi nga flakët, tha sherifi Jeremiah LaRue për televizionin ABC.
Erërat e forta, nxehtësia dhe stuhitë lokale kontribuan në përhapjen e shpejtë të zjarrit.
Më shumë se 2000 banorë u urdhëruan të evakuoheshin në Kaliforninë veriore, pranë kufirit të Oregonit. 60 alpinistë të tjerë u larguan nga Pacific Crest Trail , sipas autoriteteve në Jackson County, Oregon.
Rreth 100 ndërtesa, kryesisht banesa, u dëmtuan, sipas një zëdhënësi të sherifit të qarkut Siskiyou.
Banori i Wairica, Larry Castle, i përshkroi Sacramento Bee-s se si ai dhe gruaja e tij dhe tre qentë u larguan nga shtëpia e tyre në mes të natës, duke marrë vetëm gjërat e nevojshme. Ai tha se zjarret e viteve të fundit i kanë mësuar se situata mund të bëhet “shumë serioze” në çdo moment.
Gati 850 zjarrfikës po luftonin sot me flakët, sipas Qendrës së Koordinimit të Zjarrit.
Perëndimi Amerikan vitet e fundit është përballur me zjarret më të rënda të pyjeve të viteve të fundit, fenomen që shkencëtarët ia atribuojnë kryesisht krizës klimatike.
