Një seri zjarresh kanë goditur linjat hekurudhore franceze, disa orë para ceremonisë së hapjes për Lojërat Olimpike të Parisit, shkruan BBC.
Kompania hekurudhore SNCF thotë se është një “sulm masiv që synon paralizimin e rrjetit”. Ministri i Transportit i Francës i quan “akte të bashkërenduara keqdashëse”.
Disa linja me shpejtësi të lartë janë prekur nga pasagjerët që u kërkohet të shtyjnë udhëtimet dhe të
mo udhëtojnë. Shërbimet nga Parisi po devijohen.
Kompania hekurudhore SNCF paralajmëron për ndërprerje “të paktën gjatë gjithë fundjavës” gjatë kryerjes së riparimeve.
Ndërprerja vjen disa orë përpara ceremonisë së hapjes për Lojërat Olimpike të Parisit, ku mijëra atletë do të lundrojnë në zemër të qytetit me varka përpara 300,000 spektatorëve dhe një audience me VIP-a.
Ceremonia katër-orëshe, e caktuar për të filluar në orën 18:30 shënon herën e parë që një Olimpiadë Verore hapet jashtë stadiumit kryesor të atletikës.
Ndërsa shumë nga detajet janë mbajtur të fshehta, thuhet se këngëtarja kanadeze Céline Dion, ylli i popit Lady Gaga dhe R&B Aya Nakamura mund të jenë në mesin e interpretuesve.
Organizatorët shpresojnë që spektakli të jetë i sigurtë, mes një operacioni të madh sigurie që përfshin një perimetër masiv sigurie përgjatë të dy brigjeve të lumit Sena, i ruajtur nga 45,000 oficerë dhe xhandarë.
10,000 ushtarë të tjerë si dhe 22,000 roje private të sigurisë janë vendosur gjithashtu për ngjarjen.
