Eksperti i kriminalistikës, Ervin Karamuço ka bërë një deklaratë të fortë se pjesëtarët e grupit Wagner kanë hyrë dhe kanë dalë në Kosovë në mënyrë ilegale.
Grupi “Wagner” është një organizatë mercenare ruse që operon në Republikën e Afrikës Qendrore dhe në vende të tjera përreth. Në Afrikë, luftëtarët e saj janë gjithashtu të përfshirë në Libi, Sudan dhe Mozambik dhe duket se do të luajnë një rol në Mali.
Karamuço komentoi situatën që është krijuar së fundi në veri të Kosovës, teksa vuri në dukje se Serbia ka zhvilluar përgjatë viteve një personalitet të dyfishtë politik. Karamuço u ndal gjithashtu edhe tek deklaratat e kryeministrit Albin Kurti, i cili ka thënë se janë evidentuar 300 persona që kanë një plan të ngjashëm me atë që ndodhi në Kumanovë pak vite më parë.
““Ka një realitet shumë të rrezikshëm për konflikt. Me të dhënat që kanë shërbimet inteligjente ushtarake të NATO-S, janë dhe Wagner. Kanë hyrë dhe kanë dalë në territorin e Kosovës në mënyrë ilegale. Sepse aty ka kontrabandë armësh, ushqimesh.
Serbia ka shumë vite që ka zhvilluar një personalitet të dyfishtë politik. Nga ansjëra anë me Europën që po bashkëpunon për paqen në rajon. Nga ana tjetër, me Rusinë, vëllazëria sllave do të jetë e patundshme. Si mund të flasim ne për paqen në Europë kur Serbia ka 48 reparte ushtarake të rreshtuara në Kosovë. Kur ai Daçiç kërkon me insistim që qendra humanitare e emergjencave të nishit, që dihet që është qendër spiunazhi rus, donte t’u jepte statusin diplomatë. Nga ajo qendër ne kemi shumë kosto të mëdha si Ballkan. Dy të GRU janë në kërkim në Mal të Zi, një bashkë me të shërbimeve sekrete serbe është arrestuar aty. Ndërkohë në Kosovë, Kurti përmendi 300 veta që kanë një plan të ngjashëm me atë që ndodhi në Kumanovë. Kurti e di nga KFOR-i”, tha Karamuço.
