Edhe para se Dukat e Sussex të iknin në Amerikë, shtypi britanik shpesh raportonte ftohtësi (nëse jo armiqësi të plotë) midis kunave Kate Middleton dhe Meghan Markle. Princi Harry mendoi të vendoste të gjitha kartat në tavolinë duke publikuar në autobiografinë e tij “Spare” mesazhet private mes të dyjave, të cilat padyshim zbulojnë marrëdhëniet e tensionuara mes grave të fëmijëve të mbretit Charles .
Mesazhet mes Kate Middleton dhe Meghan Markle janë bërë kështu në dijeni të publikut, duke konfirmuar ndër të tjera sherrin mes kunave të ndodhura me rastin e dasmës së Dukës së Sussex-it, e cila ishte përfolur prej disa kohësh. Molla e sherrit, fustanet për shoqërueset e dasmës mbretërore që ishte bërë në distancë dhe për këtë arsye ishte testuar në mënyrë të papërsosur.
“Fustani i Charlotte ishte shumë i madh, shumë i gjatë dhe shumë i lirë. Vajza e vogël qau kur e provoi në shtëpi”, i shkruan Kate Meghan-it për t’u ankuar.
“Ok. Të thashë se rrobaqepësi është në dispozicion nga ora 8 e mëngjesit. Këtu, në Pallatin Kensington. A mund ta marrësh Charlotte që të rregullojë fustanin siç bëjnë nënat e tjera?” u përgjigj Meghan.
Por për gruan e Princit Uilliam përgjigja nuk është e kënaqshme: “Jo. Të gjitha fustanet duhet të ribëhen”, shkruajti ajo, por nusja e ardhshme nuk hoqi dorë: “Nuk di çfarë të them tjetër. Nëse fustani nuk shkon, atëherë ju lutemi çoni Charlotte te Ajay (rrobaqepësi). Ai ka pritur gjithë ditën” vetëm për të marrë një “ok” të shkurtër si përgjigje.
Buzëkuqi i mosmarrëveshjes – Një tjetër pasazh në të cilin Princi Harry dëshiron të nxjerrë në pah armiqësinë midis Kate dhe Meghan ka të bëjë me një buzëkuq . Me rastin e një katërshe zyrtare, Markle do t’i kishte kërkuar Middleton-it që t’i jepte asaj shkëlqimin e buzëve. Gruaja e Uilliam -it pranoi, ndonëse me ngurrim, vetëm që të dukej e neveritur ndaj kunatës së saj, ndërsa ajo vendosi pak në gishta para se ta fshinte në buzë.
