Në protestën që po zhvillohet ditën e sotme nga opozita, kreu i Partisë Demokratike ka vijuar me akuzat ndaj kryeministrit Rama, duke u shprehur se ai po kryen akte armiqësore ndaj Shqipërisë.
“Shqipëria shihet sot në mbarë botën si strofull e rrezikshme korrupsionit. Ti Edi Rama ke kryer akt armiqësor ndaj këtij vendi për të cilin Putin, Kim Jong Un, Lukashenko janë gati të të varin në qafë dekoratën e tyre më të lartë o faqezi.
Edi Rama, gjatë këtyre viteve në pushtet ke kryer, ke faktuar të gjitha llojet e tradhtive që mund të kryejë njeriu, por në kodin e lashtë të kombit tonë, tradhtia më e ulët është ajo ndaj mikut, tradhtia që ndëshkohet në mënyrën më të re. Largohu, nisu te shtylla e turpit. Revolucioni ynë do të fitojë.
Edi Rama, ti je një rrezik madhor për sigurinë e Shqipërisë, rajonin dhe më gjerë. Jep dorëheqjen, largohu bashkë me organizatën tënde kriminale. Revolucioni ynë nuk ndalet. Sot falë teje, Shqipëria njihet si vend me kryeministër me atlete të bardha që flet me fjalor të ndyrë se vjedhjet të kanë zhveshur nga çdo moral ndaj dhe flet kudo në atë mënyrë për të dëshmuar veten një trashëgimtar të denjë të etërve xhelatë. Jep dorëheqjen, ik largohu.” – tha Berisha.
Ai u shpreh se vendi ynë do të ‘skuqet nga turpi’ nëse kryeministri Rama do të marrë pjesë në samitin e NATO-s
