Një hundë e bllokuar nuk është një gjendje e rrezikshme shëndetësore, por mund të jetë e pakëndshme. Kongjestioni i hundës më së shpeshti shkaktohet nga ënjtja e mukozës së hundës. Ne ju sjellim këshilla sesi të flini lehtësisht nëse keni hundë të zënë:
Mos fryni hundën
Hulumtimet tregojnë se fryrja e hundës krijon shumë presion në zgavrën e hundës dhe rrit mundësinë që lëngu nga hunda të hyjë në sinuse. Prandaj, fryrja duhet të shmanget, dhe nëse është e nevojshme, fryni me kujdes një vrimë hunde në të njëjtën kohë.
Pini mjaftueshëm lëngje
Kur mukoza në kanalet e hundës është shumë e trashë, ajo mund të ngjitet në mure dhe të shkaktojë një hundë të mbyllur. Duke marrë mjaftueshëm lëngje në trupin tuaj, ju mund ta parandaloni këtë. Gjithashtu, për gjumë më të mirë rekomandohet të mos konsumohen pije alkoolike dhe me kafeinë pasi kafeina dhe alkooli janë diuretikë, substanca që rrisin nxjerrjen e lëngjeve nga organizmi.
Dush i nxehtë para gjumit
Ju mund të lehtësoni hundën e mbyllur duke bërë dush me ujë të nxehtë. Mukoza e trashë në hundë do të bëhet e hollë, e cila do t’ju sjellë menjëherë lehtësim. Është e rëndësishme që dera e banjës të jetë e mbyllur në mënyrë që përqendrimi i avullit të ujit në ajër të rritet mjaftueshëm.
Shtoni një jastëk tjetër poshtë kokës
Koka dhe pjesa e sipërme e trupit duhet të jenë në një pozicion më të lartë se zakonisht për të reduktuar rrjedhjen e gjakut nëpër mukozën e hundës dhe rrjedhimisht mbingarkesën, shkruan KP.
Shpëlajeni hundën me ujë të kripur
Mund të përdorni sprej me ujë deti ose të shpëlani hundën.
/Priza.al/
