Këto janë shenjat që tregojnë se tashmë e keni gjetur shpirtin binjak

Nocioni i një shpirti binjak është thjesht një mit për disa teksa për të tjerët është një realitet. Ju duhet të jeni të sinqertë me veten tuaj, të zhyteni thellë në shpirtin tuaj dhe më e rëndësishmja, t’i jepni vetes kohë për të gjetur shpirtin tuaj binjak.

Tetë shenja që ju keni gjetur shpirtin tuaj binjak:

1. Kur shikoni në sytë e dikujt për herë të parë, shihni diçka në to që nuk e keni parë tek askush tjetër. Edhe pse nuk mund ta përkufizoni saktësisht, ajo që shihni duket e njohur dhe e këndshme. Është sikur e njihni njëri-tjetrin.
2. Ndonjëherë ndodh që shpirtrat të gjejnë njëri-tjetrin dhe pastaj ndahen dhe më vonë kthehen së bashku. Arsyeja për këtë mund të jetë se takimi i parë ka qenë tepër intensiv dhe ata janë dashur të ndahen për një kohë. Ose, ndoshta ai takimi i parë nuk ishte koha e duhur për t’u lidhur, por disa gjëra ndodhin.
3. Kur e gjeni veten me një person që është shpirti juaj binjak, kjo ju ndryshon për mirë. Është dikush që ka një ndikim shumë të mirë tek ju dhe i gjithë ky ndryshim ndodh natyrshëm.
4. Ndonjëherë ndodh që njerëzit në një shpirt binjak të shohin menjëherë disa ngjashmëri me një pjesëtar të caktuar të familjes, në një mënyrë të mirë dhe pozitive.
5. Datat e rëndësishme në jetën tuaj mund të jenë të njëjta disi ose të lidhen nga sinkroniteti i mrekullueshëm. Për shembull, ditëlindjet tuaja janë saktësisht nëntë muaj diferencë.
6. Shpirtrat binjakë e ndiejnë njëri-tjetrin, edhe nëse nga natyra nuk janë njerëz shumë empatikë. Ata e kuptojnë se për çfarë shqetësohet partneri i tyre edhe kur nuk kanë folur fare për këtë, sikur mund të lexojnë mendjen e njëri-tjetrit.
7. Takimi i parë u zhvillua në atë mënyrë që të dy kuptuat se nuk ishte thjesht një takim romantik kalimtar, por diçka më e thellë dhe më e përhershme, sikur ndonjë forcë e padukshme po ju tërhiqte pranë njëri-tjetrit dhe po ju mbushte me paqe.
8. Pasi u takuat për herë të parë, u bëtë të magjepsur me njëri-tjetrin në mënyra që nuk i kishit menduar kurrë. Marrëdhënia juaj duket se është bërë menjëherë shumë serioze, pa takime dhe njohje klasike.