Ylli i “Keeping Up With The Kardashains” Khloe Kardashian, është sërish në qendër të vëmendjes. Ajo është bërë sërish nënë dhe disa foto të ëmbla me foshnjën e saj janë bërë virale në rrjet.
Në 13 korrik u publikua lajmi se çifti Khloe-Tristan ishte në pritje të një bebeje, shtatë muaj pas ndarjes së tyre të fundit. “Khloé është jashtëzakonisht mirënjohëse për gruan surrogate për një bekim kaq të bukur”,- tha përfaqësuesi i Kardashian për ‘Page Six’ në atë kohë. Më vonë në gusht, u konfirmua lajmi se djali i tyre kishte ardhur në jetë.
Burime për mediat thanë në atë kohë se Khloe dhe Tristan nuk janë rikthyer bashkë, dhe se flasin vetëm për vajzën e tyre True. Dyshja u panë në festën e ditëlindjes së Beyonce-s, megjithatë nuk dihet nëse ata mbërritën së bashku. Paparaci fotografoi Kardashian, duke u përpjekur të fshihte fytyrën e saj me një çantë teksa po dilte nga festa. Ndërkohë, Thompson, “ishte maskuar” me një palë syze të zeza, duke mos bërë asnjë reagim ndaj fotografit.
Sa i përket festës së Beyonce, të ftuar ishin disa nga yjet më të njohur. Nëna e Khloé, Kris Jenner dhe motra e saj Kim Kardashian ishin të pranishme, së bashku me Jay-Z, Drake, Lizzo, Jaden Smith, Bella Hadid, Machine Gun Kelly, Megan Fox, Lily-Rose Depp, Offset dhe Vanessa Bryant.
