Është publikuar fotografia e parë e gurit të instaluar në vendin e fundit të pushimit të Mbretëreshës në Windsor. Emri i Mbretëreshës Elizabeth II është gdhendur së bashku me emrin e nënës, babait dhe burrit të saj në gurin brenda “King George VI Memorial Chapel”, kështjella Windsor.
Pllaka e gurit të zi është vendosur në dysheme pasi ka zëvendësuar gurin e vjetër që kishte emrat George VI dhe Elizabeth të gdhendur me germa ari.
Guri i “freskët” tani përmban, në formën e listës, “George VI 1895-1952” dhe “Elizabeth 1900-2002” të ndjekur nga një Yll metalik Garter, dhe më pas “Elizabeth II 1926-2022” dhe “Philip 1921-2021”.
Të katër anëtarët e familjes ishin anëtarë të Urdhrit të Garterit, i cili ka si shtëpinë e tij shpirtërore Kapelën e Shën Gjergjit. Urdhri i Garter-it është titulli më i vjetër i kalorësisë në sistemin britanik të nderimeve, i tejkaluar në përparësi vetëm nga Kryqi Victoria dhe Kryqi Xhorxh që u themelua nga Edward III në 1348.
