Moderatorja, Dojana Mema ka zbuluar më shumë detaje nga lidhja e saj me Vlashentin, por edhe nga njohja e tij me të atin.
Përmes një ‘Instastory’, Dojna ka rrëfyer se babai i saj dhe Vlashenti u prezantuan vetëm një muaj e gjysmë pas njohjes së tyre.
Sakaq ka shtuar se bashkëshorti i saj ka pranuar të prezantohej me familjen e saj dhe për këtë, ajo i është shumë mirënjohëse, sepse bëri që vitin e fundit të jetës, i ati ta jetonte bashkë me të.
“Është një nga gjërat për të cilat jam më shumë e lumtur, për këtë duhet t’ia di për nder Vlashentit, sepse ne kishim një muaj e gjysmë bashkë, shumë pak dhe normalisht që nuk e prezanton me familjen një person me të cilin ke një muaj e gjysmë. Ia bëra si kërkesë në majë të gishtave dhe Vlashenti absolutisht pranoi dhe e ka jetuar babin tim një vit, vitin e fundit, dhe gjithmonë do më kujtohet ai momenti kur vinte te shtëpia ime dhe babi im, si adhurues shumë i madh i muzikës italiane. Vlashenti ulej gjithmonë ose në piano, ose në kitarë, dhe i luante këngët e tij të preferuara. Në të gjithë atë fatkeqësi që kemi përjetuar si familje, për fat, Vlashenti arriti ta njihte dhe babi arriti ta njihte Vlashentin”, shprehet ajo.
