Dy persona kanë rënë në prangat e policisë në Gjirokastër, pasi janë kapur duke transportuar emigrantë.
Të arrestuarit janë shtetas rreth moshës 21 dhe 31-vjeç, banues në Durrës.
Ata u ndaluan në aksin rrugor Gjirokastër-Kakavije, duke transportuar me një automjet tip furgon, 11 emigrantë të paligjshëm nga vendet MENA, kundrejt fitimit.
Njoftimi i Policisë:
Dy persona janë vënë në pranga në Gjirokastër pasi u kapën duke transportuar emigrantë nga vendet e treta. Njoftohet se me finalizimin e operacionit të koduar policor “ROAD GUARD 17”, në pranga u vunë Xh. S., 21 vjeç dhe B. A., 31 vjeç, banues në Durrës. Gjatë operacionit, shërbimet e Policisë Rrugore i kapën në flagrancë, në aksin rrugor Gjirokastër-Kakavije, dy të rinjtë duke transportuar me një automjet tip furgon, 11 emigrantë të paligjshëm nga vendet MENA, kundrejt fitimit. Në cilësinë e provës materiale u sekuestruan automjeti, tre aparate celulare dhe 50 euro.
