Vijon operacioni i Policisë së Shtetit për lirimin e hapësirave publike që janë zënë nga biznese apo individë.
Një 54-vjeçar është pezulluar penalisht Policia, pas kishte vendosur çadra dhe shezlongë në një hapësirë publike, ku do të akuzohet për veprën penale “Pushtimi i tokës”.
Po ashtu u sekuestruan edhe 24 çadra dhe 53 shezlongë që i përkisnin 54-vjeçarit.
Njoftimi:
Seman/Vijon puna për lirimin e hapësirave publike në plazhe, të zëna padrejtësisht nga pronarë lokalesh apo individë të ndryshëm.
Gjatë kontrolleve përgjatë vijës bregdetare të qarkut Fier, me qëllim lirimin e hapësirave publike, për pushuesit, Policia konstatoi një rast të zënies së hapësirës publike në plazhin e Semanit.
Procedohet penalisht pronari i një subjekti, i cili kishte zënë hapësirën publike me shezlongë dhe çadra, të vendosura pa lejen përkatëse.
Sekuestrohen 24 çadra dhe 53 shezlongë.
Në kuadër të planit operacional për kontrollin e vijës bregdetare dhe lirimin e hapësirave bregdetare të zëna në mënyrë të kundërligjshme, nga subjekte të ndryshme që vendosin çadra dhe shezlongë pa lejen përkatëse, nga specialistët për Hetimin e Krimeve në Komisariatin e Policisë Fier u referuan materialet në Prokurori dhe nisi procedimi penal për shtetasin Z. S., 54 vjeç, banues në Fier, për veprën penale “Pushtimi i tokës”.
Materialet i kaluan Prokurorisë, për veprime të mëtejshme procedurale.
