Ministri i Brendshëm, Bledi Çuçi përmes një postimi në Twitter, ka reaguar për kokainën e kapur në Portin e Durrësit.
Çuçi shkruan se ky operacion është dëshmi e luftës pakonpromis përballë krimit të organizuar.
“Përgëzime Policisë së Shtetit për goditjen e suksesshme në Portin e Durrësit, ku u sekuestruan 33.5 kg lëndë narkotike e dyshuar si kokainë. Prova e radhës e punës së shkëlqyer hetimore dhe operacionale, e luftës pakonpromis përballë krimit të organizuar dhe dëshmi e pakontestueshme e vendosmërisë tonë për të rritur gjithnjë e më shumë forcën goditëse të Policisë së Shtetit ndaj grupeve kriminale. Operacioni vijon”, shkruan Çuçi.
