Sekretari amerikan i Shtetit Tony Blinken tha se java në vijim e bisedimeve është momenti i së vërtetës për Presidentin rus.
SHBA-të i kanë kërkuar Presidentit rus, Vladimir Putin, të zgjedhë midis dialogut dhe konfrontimit në prag të një jave kritike të diplomacisë mbi Ukrainën, ndërkohë që trupat ruse mbetën të grumbulluara përgjatë kufijve të saj.
Diplomatët e lartë dhe oficerët ushtarakë nga SHBA-të dhe Rusia, patën një darkë pune në Gjenevë të dielën, në mbrëmje përpara negociatave zyrtare të së hënës për të diskutuar kërkesat e Moskës. Ato u përcaktuan muajin e kaluar si dy projekt-traktate, një me SHBA-të dhe një me NATO-n.
Pjesa më e madhe e përmbajtjes së tyre është e papranueshme për Uashingtonin dhe Aleancën, ku më i rëndësishmi është një premtim se Ukraina nuk do të jetë kurrë një anëtare e NATO-s.
Kreu i delegacionit rus, Zv.ministri i Jashtëm, Sergei Ryabkov, e përshkroi takimin e darkës të së dielës mbrëma, të mbajtur për Konferencën mbi Çarmatimin në rezidencën e ambasadorit amerikan me pamje nga liqeni i Gjenevës, si “të mahnitshme”.
“Biseda ishte e vështirë, por praktike; ne u zhytëm në çështjen e çështjeve të ardhshme. Mendoj se nesër nuk do të humbim kohë. Unë kurrë nuk e humb optimizmin tim, unë jam gjithmonë i udhëhequr nga ai”,- tha Ryabkov.
Kreu i delegacionit amerikan, Zv.Sekretarja e shtetit Wendy Sherman, “theksoi angazhimin e Shteteve të Bashkuara ndaj parimeve ndërkombëtare të sovranitetit, integritetit territorial dhe lirisë së kombeve sovrane për të zgjedhur aleancat e tyre”, sipas një llogarie të Departamentit të Shtetit. Ajo u tha rusëve se SHBA-të do të “mirëpresë përparimin e vërtetë përmes diplomacisë”.
Rusia ka 100,000 trupa të pozicionuara pranë Ukrainës dhe një numër i ngjashëm pritet të mobilizohet në një njoftim të shkurtër, sipas Sekretarit amerikan të Shtetit, Antony Blinken, i cili tha të dielën se diplomacia e kësaj jave ishte një moment i së vërtetës për presidentin rus.
“Ka dy rrugë përpara nesh”,- tha ai për CNN. “Ekziston një rrugë e dialogut dhe diplomacisë për t’u përpjekur për të zgjidhur disa nga këto dallime dhe për të shmangur një konfrontim.
Rruga tjetër është konfrontimi dhe me pasoja masive për Rusinë nëse rinovon agresionin e saj ndaj Ukrainës. Ne jemi gati të testojmë propozimin se cilën rrugë është përgatitur të ndjekë Presidenti Putin”.
Administrata Biden këmbëngul se, e drejta e shteteve sovrane për të aplikuar për anëtarësim në NATO nuk është e negociueshme. As vendosjet e trupave të SHBA-ve në Evropë, kanë theksuar zyrtarët e administratës.
Megjithatë, ata thanë se Uashingtoni do të diskutonte garanci të tjera sigurie, të tilla si kufizimet e ndërsjella për vendosjen e raketave dhe stërvitjet ushtarake në kontinent. Po kjo do të ishte shumë larg ndryshimeve gjithëpërfshirëse që kërkon Moska.
/Priza.al/
