Si do të ndiheshit po të jetoni të rrethuar me 13.000 orkide magjepse, në një kopsht si asnjë tjetër? Paqe. Qetësi. Magji.
Janë disa nga ndjenjat që vizituesit ndjejnë kur vizitojnë kopshtin e njohur “Kopshti i luleve lundrues; Lulet dhe unë jemi të së njëjtës rrënjë, Kopshti dhe unë jemi një”, shkruan CNN.
Kopshti përbëhet nga 13.000 orkide të gjalla të varura nga tavani lart, ato rriten përgjatë disa telave të padukshëm, në këtë mënyrë të jepet përshtypja se orkidetë po rrinë në ajër.
Përderisa orkidetë rrinë pezull në ajër, i dhurojnë vizituesve hapësirë dhe mundësi më të madhe për të eksploruar ‘kopshtin magjik’.
Orkidet, në këtë kopsht janë të llojeve të ndryshme e me shumë ngjyra. Ato mund të jetojnë pa tokë, dhe ne mund të mësojmë kaq shumë gjëra nga këto orkide dhe bimë të tjera. Ato kanë më shumë histori sesa qeniet njerëzore.
“Kopshti i Luleve Lundrues; Lulet dhe unë jemi të së njëjtës Rrënjë, Kopshti dhe Unë jemi Një” është duke u shfaqur në ‘TeamLab Planets’, një muze në Tokio që përmban nëntë vepra tërheqëse që inkurajojnë vizitorët të bëhen një me artin. Kjo vepër do të qëndrojë e hapur deri në fund të vitit 2022.
/Burimi: CNN/ Përshtati Priza.al/
