Efektivët e RENEA-s kanë paralajmëruar se do protestojnë pasi ndihen të mashtruar nga premtimet se do u rritet paga e se do të marrin grada.
Efektivët paralajmërojnë se nëse nuk do të realizohen kërkesat e tyre, do të dalin në protestë para Ministrisë së Brendshme.
Lidhur me këtëo akuza, ka reaguar edhe Sadedin Fishta, Kryetari i Sindikatës së Policisë, i cili u shpreh se nëpërmjet ndryshimit të VKM-së, këto grada kanë ndryshuar.
Sadedin Fishta, Kryetar i Sindikatës së Policisë: Për gradat e nivelit zbatues ligji i policisë ju a njeh të drejtën të gjithë punonjësve që kanë mbi 10 vjet punë në polici gradën ‘inspektor i dytë’ dhe mbi 15 vjet “inspektor i parë”.por V.K.M ka përcaktuar numrin e gradave të nivelit zbatues në polici që janë më duket 1200 inspektor. I parë dhe 1800 inspektor.i dytë. Aktet n/ligjore që kanë dalë parimisht dhe juridikisht shkelin ligjin dhe Kontratën Kolektive. Para daljes së tyre duhet të ishin konsultuar me Sindikaten. Para vitit 2015 trupa Policore e RENEAS ka patur gradën kryeinspektor dhe inspektor e barasvlershme me inspektor. Sot çuditërisht ju mohohet një e drejtë e fituar me ligjë shumë vite më parë edhe pse kemi ngritur padi që në 2015 kundër heqjes së tyre si një e drejtë e fituar dhe zbatuar sipas Kodit të Punës për më shumë se tre vjet.
Ligji në fuqi e korrigjoj pasi u ndryshuar duke shtuar dhe dy grada, pra ju a ktheu këtë të drejtë duke përcaktuar dhe moshën e përfitimit të gradave, por aktet e dala në zbatim të ligjit praktikisht po ju a mohojnë këtë të drejtë.
