Një ngjarje e pazakontë është regjistruar së fundmi në një dasmë në Stamboll, ku të afërmit e dhëndrit dhe ata të nuses janë përplasur fizikisht me njëri-tjetrin. Disa persona kanë mbetur të lënduar.
Shkak për konfliktin u bënë mosmarrëveshjet për këngën dhe vallen që do të kërcehej në pistë. Debati ka degraduar në përdorimin e grushteve, shkelmave, por nuk munguan as karriget e tavolinat.
Në vendin e ngjarjes shkuan forca të shumta policie, të cilat ndërhynë në kohë. Disa persona kanë përfunduar në polici, ndërsa disa të tjerë në spital.
Megjithatë sherri masiv nuk i pengoi nusen dhe dhëndrin që të shkojnë për muaj mjalti.
