Babë e bir janë arrestuar nga policia e Bulqizës pasi kishin mbjellë hashash.
M. S., 70 vjeç, dhe E. S., 39 vjeç, banues në Bulqizë kishin kthyer një zonë të pyllëzuar në kodrën e Lejçanit, në parcelë kanabisi.
Bëhet me dije se bimët e kanabisit janë asgjësuar me anë të djegies. Ndërkohë materialet procedurale i kaluan Prokurorisë, për veprime të mëtejshme.
Njoftimi i policisë:
Në vijim të punës për parandalimin, evidentimin dhe goditjen e veprimtarisë kriminale të kultivimit të bimëve narkotike, shërbimet e Komisariatit të Policisë Bulqizë kanë vijuar kontrollet e imtësishme të territorit dhe në bazë të informacioneve policore, kanë finalizuar me sukses operacioni policor të koduar “Lejçani”.
Si rezultat në një zonë të pyllëzuar në kodrën e Lejçanit, kanë gjetur të kultivuara disa bimë të dyshuara narkotike kanabis, të cilat u asgjësuan me anë të djegies.
Nga veprimet rezulton se autorët e dyshuar të kësaj veprimtarie kriminale janë shtetasit M. S., 70 vjeç, dhe E. S., 39 vjeç, banues në Bulqizë (babë e bir), të cilët janë arrestuar në flagrance.
Materialet procedurale i kaluan Prokurorisë, për veprime të mëtejshme.
