Moderatorët Bora Zemani dhe Donald Veshaj janë emrat më të lakuar të vitit të fundit. Dyshja bënë bujë të madhe me historinë e tyre, të cilën zgjodhën ta jetojnë në syrin e publikut, dashur pa dashur.
Disa kohë më parë u përfol se së shpejti do të xhirojnë filmin e tyre të parë së bashku. Kujt do t’ja merrte mendja se edhe në këtë projekt do të “shfrytëzonin” historinë e tyre të bujshme. Po, është e vërtetë! Telenovela Bora-Donald, tani do të vijë edhe në formën e një seriali komedi.
Projekti pritet të mbyllet në fund të vitit të ri dhe transmetimi do të nisë sezonin e ardhshëm televiziv. Jeni të gjithë kuriozë, çfarë ka mbetur akoma nga historia e tyre për të parë? Pasi u shfaqën vazhdimisht së bashku në sytë e publikut dhe pasi mikesha e tyre Semi ‘konfirmoi’ ribashkimin me një foto, Bora dhe Donaldi s’kanë ç’të fshehin më.
Ata morën një “hap të rëndësishëm” në marrëdhënien e tyre, duke i lejuar të gjithë ta kuptojnë se janë ribashkuar. Pas shumë muajsh, Bora dhe Donaldi nisën të ndiqeshin sërish në Instagram dhe ky veprim u mor gjithashtu si konfirmim i romancës.
Por vetë Bora vendosi të thotë fjalën e saj, duke postuar foton e parë krah aktorit në rrjetet sociale. Që nga ai moment nuk kanë munguar shfaqjet dhe fotot e tyre bashkë.
