Kryeministri i Kosovës, Albin Kurti me anë të një postimi ka njoftuar se pas sulmit terrorist në kanalin e Ibër-Lepencit është rikthyer furnizimi me ujë.
Kurti thekson se ka rifilluar furnizimi i fabrikave të ujit në rajonet e Mitrovicës dhe Prishtinës, si dhe pritet që shumë shpejt të normalizohet edhe furnizimi me ujë për qytetarët në Fushë Kosovë, Drenas dhe Obiliq.
“Prurjet e ujit në KEK kanë arritur nivele optimale për furnizim me ujë të TC “Kosova B”.
Ka rifilluar furnizimi i fabrikave të ujit në rajonet e Mitrovicës dhe Prishtinës.
Ka filluar furnizimi me ujë për qytetarët e komunave të Skenderajt, Mitrovicës së Jugut, Mitrovicës së Veriut dhe Zveçanit.
Së shpejti pritet të normalizohet furnizimi me ujë për qytetarët në Fushë Kosovë, Drenas dhe Obiliq.”, shkruan Kurti.
