Pas “dënimit” që kryeministri i bëri gazetarit të A2 Klevin Muka, deputetja e Partisë Demokratike, Flutura Açka ka reaguar në rrjetet sociale e habitur me Ramën.
Përmes një mesazhi në ‘Facebook’ Açka ka shprehur solidaritet për gazetarët, ndërsa kujton se dikur vetë Rama u rrah për fjalën e lirë.
REAGIMI I AÇKËS
E kush e mendonte se njeriu që dikur është rrahur për fjalën e lirë, të kthehej në harbutin e mediave kur të ishte në pushtet.
Në solidaritet me gazetarët!
Si mund të kalojë nëpër duart e pushtetit të tij për t’u votuar Statusi i gazetarit? Do ta kthejë në “Urdhri i gazetarit”, ose më keq akoma, në “Spaçi i gazetarit”.
Fjala “Riedukim” në demokraci është marrë borxh nga diktatura.
Në fakt na duhet të hapim me ligj një shkollë, atë riedukimit të Kryeministrave të Demokraturës.
