Kuvendi ka mbyllur sot seancën plenare, ku ka votuar disa ligje. Deputetët kanë miratuar me 92 vota ndryshimet per “Gardën e Republikës” dhe me 88 vota ndryshimin e emrit të Bashkisë së Urës Vajgurore në Bashkia Dimal.
Ndërkohë, dekreti i Metës për kthimin e ligjit për Forcat e Armatosura u rrëzua. Ky ligj ishte kthyer në Kuvend nga presidenti disa ditë më parë për tu rishikuar, pasi kishte parregullsi sipas tij.
Dekreti i presidentit është rrëzuar gjatë seancës të sotme plenare me 83 vota kundër dhe 10 abstenim. Ky vendim e ka thelluar akoma më shumë ‘luftën’ mes mazhorancës dhe Presidencës.
