Harrojeni superjahtet! Një anije gjigande rezidenciale, apartamentet e të cilit mund të blihen, me përmasa mbresëlënës do të jetë më e madhja në botë “nga gjatësia dhe vëllimi”! Somnio, është 728 metra e gjatë dhe planifikohet që udhëtimi saj i parë të nisi në 2024.
Somnio, që do të thotë “të ëndërrosh” në latinisht, u ideua nga Winch Design dhe Tillberg Design i Suedisë dhe do të ndërtohet nga projektuesi dhe ndërtuesi norvegjez i anijeve, VARD, me një kosto prej rreth 600 milion dollarë. E quajtur si ‘anija e jahteve’ do të pajiset në bord me 39 apartamente përmes gjashtë kateve, si dhe restorante, bare dhe një klub.
Sidoqoftë, procesi i blerjes është “vetëm me ftesë ose referim”, me çmimet e apartamenteve të cilat fillojnë me një shifër mbi 11 milion dollarë. Një zëdhënës i projektit konfirmon për CNN Travel se disa tashmë janë shitur.
Ndërsa identiteti i pronarëve do të mbahet sekret, ata do të përfitojnë nga shërbimet “si për nevojat në bord ashtu edhe për ato tokësore”, për të mos përmendur privilegjin e të pasurit jahtin më të madh në glob si adresën e tyre. Secili prej 39 apartamenteve duhet të përfshijë “veçori të porositura” bazuar në preferencat e blerësit, por një palestër, një bibliotekë, si dhe hapësira ngrënie brenda dhe jashtë ka të ngjarë të sigurohen, sipas një njoftimi për shtyp nga Winch Design.
Projektuesit që qëndrojnë pas Somnio do t’u ofrojë atyre që blejnë një nga pronat luksoze, të njëjtin nivel shërbimi si një hotel me “shtatë yje”, së bashku me përfitimet e mëdha të zotërimit të një superjahti. Shqetësimet shëndetësore janë marrë gjithashtu në konsideratë, veçanërisht në dritën e pandemisë, dhe ekipi thekson se “kujdesi mjekësor i klasit botëror” do të jetë në dispozicion në bord, ndërsa thekson se ata në bord ka të ngjarë të mbahen “larg nga pandemitë dhe të tjera rreziqe globale “.
“Somnio do të jetë superjahti i vetëm rezidencial në botë dhe është hartuar në përputhje me standardet që janë në përpjesëtim me një jetë plot me mundësi,” tha kapiteni Erik Bredhe, bashkë-themelues i Somnio, në një deklaratë. “Pronarët do të ndajnë një mënyrë jetese vërtet unike në det, me një ekuipazh të përzgjedhur dhe një itinerar global që nuk mbaron asnjëherë, të destinacioneve dhe përvojave të zgjedhura me kujdes që i përshtaten një jahti të kësaj natyre.”
Ndërsa Somnio në fund të fundit do të jetë një vendbanim, projektuesit thonë se qëndrueshmëria mjedisore duhet të jetë një fokus kryesor dhe jahti do të “ndihmojë shkencëtarët dhe ekspertët detarë të kryejnë kërkime në mjediset oqeanike”. Disa nga pajisjet e përbashkëta në bord në dispozicion përfshijnë një bodrum vere me kapacitet prej 10,000 shishesh, një dhomë degustimi se dhe një sallë pritjeje në harkun e anijes.
/Burimi CCN /Përshtati në shqip Priza.al/
