Familja mbretërore ishte në qendër të vëmendjes të enjten pas publikimit të pjesës së dytë të dokumentarit të Princit Harry dhe Meghan Markle “Harry dhe Meghan”.
Tre episodet e reja përfshinin një seri pretendimesh tronditëse nga çifti, Harry që i referohej zërave të Princit William, për pretendimet se ai nuk u lejua të shihte Mbretëreshën, për ”ribashkimin e tyre të ftohtë” me familjen mbretërore.
Para publikimit të pjesës së dytë në Netflix, familja mbretërore kishte mbajtur një heshtje të madhe dhe vazhdon ta bëjë këtë. Heshtja është përgjigjia e familjes mbretërore. Kur iu kërkua të përgjigjen, si Pallati Buckingham ashtu edhe Pallati Kensington refuzuan të komentojnë.
Princi Harry dhe Meghan Markle kanë bërë disa pretendime, ku Duka i Sussex tha: “Ata ishin të lumtur të gënjejnë për të mbrojtur vëllain tim. Ata kurrë nuk ishin të gatshëm të tregonin të vërtetën për të na mbrojtur”. Meghan Markle, në fakt, kishte pohuar se: “Më hodhën te ujqërit. Nuk më hodhën vetëm, por më hodhën për të më ngrënë”.
Shumë persona kanë shprehur opinionin e tyre në rrjetet sociale, ndërsa nuk ishin të paktë ata që theksuan se ky është fundi i marrëdhënies mes dy palëve.
“Unë mendoj se kjo do të jetë goditja përfundimtare për çdo marrëdhënie të mundshme familjare në të ardhmen…”, shkroi një përdorues në Twitter.
