Një molekulë e cila shkon drejt e në tru për të shuar simptomat e sëmundjes Parkinson: kjo është ajo që studiuesit e Universitetit Shtetëror të Milanos do të zhvillojnë falë një granti të fituar si pjesë e programit të skautimit Seed4Inovation, promovuar nga Fondacioni UNIMI në bashkëpunim me Inovacioni i Menaxhimit dhe Rritja e Njohurive Universitare.
Parkinsoni është një sëmundje progresive neurodegjenerative, që do të thotë se me kohën vetëm përkeqësohet dhe çon në një rënie të vazhdueshme të lëvizjes dhe të kontrollit të trupi dhe cilësisë së jetës.
Pothuajse 10 milion njerëz vuajnë nga kjo sëmundje dhe parashikohet se numri do të rritet deri në 40 milion në 2040 si rezultat i rritjes progresive të jetëgjatësisë.
Deri më sot, nuk ka ilaçe me të vërtetë efektive, sepse molekulat e mundshme të dobishme nuk janë në gjendje të kapërcejnë barrierën e sistemit nervor të quajtur ‘ematoencefalica’, e cila ndan trurin nga qarkullimi i gjakut.
Duke filluar nga informacioni i marrë në pothuajse 50 vjet aktivitet kërkimor në fushën e sistemit nervor qendror, ekipi i Universitetit ka hartuar një molekulë, përkatësisht një ‘oligosakarid’ të quajtur OligoGM1, e cila imiton disa përbërës të membranave të neuroneve.
E injektuar tek gjitarët, OligoGM1 rezultoi se ishte në gjendje të kapërcente barrierën e trurit ‘ematoencefalica’. Gjithshstu e eksperimentuar tek minjtë me Parkinson, kjo çoi në një rikuperim të shpejtë të funksioneve motorike dhe biologjike.
Qëllimi i studiuesve është të kryejnë të gjithë rrugën e eksperimentimit deri në provat klinike mbi njerëzit, me shpresën se oligosakaridet mund të bëhen një ilaç i dobishëm për pacientët. Projekti është kryer nga një ekip kërkimor i formuar nga Sandro Sonnino, Elena Chiricozzi, Laura Mauri, Maria Fazzari dhe Giulia Lunghi.
/Burimi: Ansa.it/ Përshtati në shqip: Priza.al/
