Kryetari i PD-së, Sali Berisha është shpallur non grata nga Britania e Madhe.
Në takimin e përjavshëm me gazetarët Berisha ka pohuar se është shpallur si shtetas i padëshiruar nga Mbretëria e Bashkuar dhe akuzohet si pjesë e grupeve kriminale.
“Në momentin e parë që qeveria e Britanisë do të provojë, jo të gënjejë, një provë dhe fakt korrupsioni, do marr cdo vendim ndaj vetes sime. Në lidhje me shpifjet që bazohet vendimi I Sekretarit të Brendshëm, për akuzën se kam lidhje të qarta me krimin e organizuar, është një akuzë, që nuk është bërë kurrë as nga kundërshtarët e mi dhe as nga një institicion kombëtar dhe ndërkombëtar. Sot nuk gjej një shqiptar të dalë e të thotë me cilin kriminel ka bashkëpunuar Berisha. Të gjithë kanë parë si i bëri Rama këta deputetë, investitorë strategjik”, tha ai.
