Kryebashkiaku i Vlorës Dritan Leli ka dalë nga ambientet e SPAK, por nuk ka dhënë asnjë detaj rreth arsyes pse është thirrur në organin e akuzës.
Kryebashkiaku i Vlorës, pyetjes se nëse kishte ardhur për kallëzim apo nëse e kishte thirrur SPAK, Leli është përgjigjur se asnjëra prej tyre.
“Nuk më thirri SPAK dhe nuk erdha të bëj denoncim. Për më shumë pyesni në SPAK”,- është shprehur kryebashkiaku lidhur me këtë çështje.
Gjithashtu ditën e sotme ai u sulmua nga kreu i qeverisë Edi Rama gjatë takimit me kryetarët e bashkive në Pogradec. Rama tha se drejtuesi i bashkisë së Vlorës fle gjumë pavarësisht kapaciteteve që ka bashkia që ai drejton.
