Deputeti Bujar Leskaj ka kërkuar sërish ngritjen e një komisioni hetimor për çështjen McGonigal.
“Duhet të ngrini Komisionin hetimor. Nuk varet nga dëshira dhe oreksi i kryeministrit tuaj. Po deformoni çdo seancë. Po shkelni dhe rregulloren e Kuvendit. në 4- 5seanca keni përjashtuar 24 deputetë. më vjen keq për ju, nëse vijoni kështu do krahasoni në histori me kryetarët të Kuvendit të 46.
Ju nuk keni në dorë plumbat apo t’i arrestoni. Keni në dorë t’i hiqni fjalën dhe t’i përjashtoni.
Pse nuk praktikoni që kryeministri të përgjigjej 13 pyetjeve tona, të vijohet me interpelancën dhe më pas të ngrihet komisionin. McGonigal është thembra e Akilit. Pasoja do bien mbi ju sepse shqiptarët janë të zgjuar.
Jeni ju që po detyroni deputetët e opozitës që të ngrihen aty e të kërkojnë fjalën.
Përderisa shkelet Kushtetuta e ligji, kolegët e mi duhet të dalin aty e të kërkojnë respektimin e saj”, tha ai.
