Detaje të reja janë zbuluar nga policia në lidhje me shtëpinë e barit në zonën e Kasharit, Tiranë.
Mësohet se shtëpia e barit është gjetur falë bashkëpunimit të policisë me OSHEE, punonjësit e së cilës kishin konstatuar lidhjen e paligjshme të energjisë në banesën e përshtatur për drogës.
Sakaq, mësohet se në momentin e arrestimit, brenda saj janë gjetur edhe persona duke punuar, të cilët janë shoqëruar tashmë në komisariat.
Kujtojmë se kjo është shtëpia e dytë e barit e gjetur vetëm gjatë ditës së sotme në Shqipëri, pasi paraditen e kësaj të Premte, është konstatuar një shtëpi e këtij lloji në qytetin e Tropojës.
