Një tjetër zarf hyri në shtëpinë ditën e sotme. Vëllai i Madh i dha mundësinë banorëve që të zgjidhnin qeverinë e Big Brother.
Ata duhet të votonin në dhomën e rrëfimit për funksionet qeveritare të përcaktuara dhe pas përfundimit të votimit, Vëllai i Madh do njoftojë secilin banor, për pozicionin përkatës si dhe etapat që ata duhen të ndjekin më pas.
Banorët duhet të kishin parasysh që të votonin dikë që do mund të zgjidhte hallet e popullit. Ata nuk duhet të votojnë për veten e tyre.
Banorët kanë nisur diskutimet e para për mënyrën e votimit dhe për ndarjen e pozicioneve për Qeverinë e Big Brother.
Bledi tha se ai dëshiron që rolin e kryeministres ta bëjë një vajzë. Sipas Deas, ai rol do i shkonte shumë Jorit. Kjo e fundit shprehu dëshirën për t’u bërë ministre turizmi, duke qenë se edhe vetë është turiste në shtëpi, të paktën kështu u shpreh ajo.
Kristi nga ana tjetër tha se dëshiron të ushtrojë pozicionin më të lartë të shtetit. Sipas tij, roli i Presidentit është minimal, kërkon diçka më tepër se aq.
Bisedat për përzgjedhjen u shoqëruan edhe me batuta nga banorët.
