Thomas Tuchel shpërtheu ndaj Clement Turpin pas barazimit të Bayern Munich në Champions League me Manchester City.
Skuadra e Pep Guardiolës kaloi në fazën tjetër pas barazimit 1-1 në një ndeshje armiqësore në Allianz Arena.
I njohur si një figurë gjaknxehtë në fushë, Tuchel i shtyu kufijtë e tij të mërkurën në mbrëmje dhe përfundimisht u përjashtua nga gjyqtari i ndeshjes Turpin pas kartonit të dytë në pjesën e dytë.
Pas ndeshjes, Tuchel nuk i kurseu fjalët ndaj Turpin: “Dy gjëra nuk ishin në nivel sot: fusha dhe arbitri. Unë do t’i jepja vlerësimin më të keq të mundshëm, nga i pari në vendimin e tij të fundit, nuk e pashë as faullin në penalltinë që na dha.”
Turpin, dha pesë kartonë të verdhë në pjesën e parë dhe një tjetër të kuq direkt për Dayot Upamecano për një ndërhyrje ndaj Erling Haaland, por një thirrje jashtë loje nga VAR e shpëtoi mbrojtësin francez që të zbriste në tunel.
Për më tepër, fillimi i lojës u vonua pasi arbitri zbuloi se kufja e tij nuk funksiononte.
