Disa kompani ajrore ndërkombëtare kanë pezulluar përkohësisht fluturimet në aeroportin kryesor të Izraelit pranë Tel Aviv për shkak të sulmeve të ndodhura aty ditët e fundit.
Sipas prestigjozes BBC, United, Delta dhe American Airlines, si dhe Lufthansa dhe British Airëays të Gjermanisë dhe Britanisë kanë ndalur fluturimet për dhe nga aeroporti Ben Gurion për shkak të shqetësimeve të sigurisë.
Autoritetet e aeroportit në Ben Gurion kanë ri-drejtuar aeroplanët e ardhshëm në aeroportin Ramon pranë Eilat në Izraelin jugor për shkak të rreziqeve të zjarrit me raketa nga Gaza. Hamas tha më herët se kishte qëlluar me një raketë të madhe Ramon, por një zyrtar izraelit e mohoi pretendimin.
Jeruzalemi ka qenë prej kohësh qendra e krizës izraelito-palestineze, me vendet e tij fetare të nderuara nga të krishterët, hebrenjtë dhe myslimanët. Xhamia Al-Aksa është ndërtuar mbi një kompleks që konsiderohet si vendi më i shenjtë në Judaizëm, i njohur për hebrenjtë si Mali i tempullit.
