Forcat ruse goditën qytetin e Bakhmutit, nga ku prej muajsh po “synojnë” të kapin rajonin industrial të Ukrainës lindore. Shtabi i përgjithshëm i forcave të armatosura të Ukrainës deklaroi se luftimet përfshinë Bakhmutin dhe zonat përreth.
Forcat ruse kishin dështuar të përparonin në dy fshatra në veriperëndim, shkruan The Guadrian.
Serhiy Cherevatiy, zëdhënës i grupit lindor të forcave të Ukrainës, i tha televizionit kombëtar të mërkurën se në 24 orët e fundit, forcat ruse kishin sulmuar 324 herë duke përdorur artileri dhe raketa të shumta.
“Rusët po shkatërrojnë ndërtesa në Bakhmut për të parandaluar ushtarët tanë që t’i përdorin ato si fortifikime,” tha Cherevatiy.
Cherevatiy të martën tha se kishte pasur një numër rekord sulmesh në një pjesë të frontit më në veri – pranë qytetit të Kupiansk, në Ukrainën verilindore
