Presidenti francez Emmanuel Macron i bëri thirrje sot Maqedonisë së Veriut, së cilës i është ofruar një propozim francez për heqjen e vetos bullgare dhe zhbllokimin e negociatave me BE-në, të marrë një vendim që do të formësojë të ardhmen e atij vendi si anëtar i familjes evropiane, duke thënë se marrëveshja e ofruar nuk është perfekte, por do të lejojë që ajo të vazhdojë rrugën drejt BE-së.
“Nuk do t’ju them se kjo marrëveshje është e përsosur, por do të mundësojë që rruga juaj evropiane të lirohet. Si çdo marrëveshje, edhe kjo mbështetet në kompromise dhe ekuilibër”, tha Macron, siç njoftoi ambasada franceze në Shkup.
